Трет периодичен мониторинг извештај во рамки на проектот „Опсерваторија на медиумските реформи“ ќе презентира денеска Фондацијата „Метаморфозис“ заедно со проектните партнери.
Извештајот се занимава со набљудување на имплементацијата на Итните реформски приоритети (ИРП) поставени од ЕУ во делот Слобода на изразување и четирите области: реформи во јавниот радиодифузен сервис, владини реклами, пристап до информации од јавен карактер и клевета и навреда.
– При презентирањето на мониторинг извештајот ќе се проговори за клучните наоди и за континуираните предизвици на новинарите за темите кои се дел од Итните реформски приоритети, најавуваат организаторите.