„Саша Богдановиќ треба да излезе од својот кабинет и да го види ѓубрето низ улиците во Центар.
Одржувањето на хигиената е катастрофална тоа го знаат граѓаните а го знае и Богдановиќ.
Доволно е да прошетате низ строгиот Центар, Буњаковец, Урбан Парк, Капиштец, Градски Ѕид и ќе видите ужасни глетки кои само можат да се видат во земјите од третиот свет.
Богдановиќ наместо да си ја префрла топката со неговото партиско другарче Петре Шилегов да седнат и да се договорат кој е надлежен за ѓубрето зошто центарци не се должни да го трпат нивното препукување.
Граѓаните на Центар заслужуваат да живеат во модерна и чиста општина наместо урбана депонија која е извор на болести и зарази.
СДСМ ја има власта во Центар 5 години.
Со буџет од 25 милиони евра годишно Центар е помеѓу најбогатите општини во државата. Со тој буџет Центар до сега требаше да биде една од најчисите урбани средини.
Освен празни ветувања од типот “ќе направиме“, декларативни заложби и по кој знае кој пат вонредно чистење на општината друго ништо не видовме.
Очигледно е дека неспособноста на претходниот градоначалник Андреј Жерновски се префрлила на сегашниот Саша Богдановиќ.
Центарци имаат право да живеат во модерна и урбана општина но не заслужуваат да ги води неспособен и безидеен градоначалник“, се вели во реакцијата на ВМРО-ДПМНЕ Центар на демантот на Општина Центар.