Скопјанецот Кристијан Андреев го фати крстот што денеска по повод големиот христијански празник, Богојавление-Водици, традиционално беше фрлен во водите на Вардар од Железниот мост кој е границата меѓу двете општини Карпош и Ѓорче Петров.
Од Железниот мост веќе четврта година по ред се фрла крстот за Водици во Вардар, пред бројна публика од граѓани од двете општини.
На големата народна и верска манифестација, освен црковниот одбор и свештените лица од црквите „Свети Пантлејмон“ во Нерези и „Свети Петар и Павле“ од Ѓорче Петров, присуствуваше градоначалникот на Карпош Стевчо Јакимовски. Општината за Андрев, кој го фати крстот општината обезбеди плазма телевизор.