Традиционалната манифестација „Пивтијада“ и годинава ќе се одржи по 11-ти пат во Куманово во организација на Мултимедијалниот центар „Карпино“.
На манифестацијата годинава ќе учествуваат седумнаесет натпреварувачи. Пивтијадата ќе започне утре напладне и за разлика од досега наместо два дена ќе трае еден ден во знак на почит поради смртта на Драгиша Димитријевски-Шипе.
– И годинава е планирана богата културно-уметничка програма со настап на локални културно-уметнички друштва, а предвидено е да имаме и гости од соседните градови, изјави претседателот на здружението Зоран Павловски.
Манифестацијата има натпреварувачки карактер, а најдобрите учесници ќе добијат награди. Направените пивтии по завршувањето на манифестацијата ќе бидат поделени на граѓански здруженија и на деца со интелектуална попреченост.