Градоначалникот на Охрид, Александар Петрески, во изјава за А1он го отфрли писменото соопштение на Советот на интелектуалците на Општинската организација на СДСМ, во кое тие бараат во секој случај да се оди на локални избори, па ако треба и со независна кандидатура.
„Тоа е став само на двајца членови на Советот, кои во спрега со Веле Митановски го направија и објавија ова. Со ова сакаат да нанесат некаква штета, но во тоа нема да успеат. Советот на интелектуалци треба да советува внатре во партијата . Тоа е нивен личен став, и ние како демократска партија, тоа го дозволуваме. Јас можам да бидам само кандидат на Коалицијата предводена од СДСМ. Мора да се создадат услови за фер и демократска трка.Ставот на овие поединци не е мој, ниту став на СДСМ“, вели за А1он, Александар Петрески.
Соопштението на Советот било испратено со потпис, без печат, во охридското Супер Радио, а пренесено од Инпрес.