Работна средба на Димитров со амбасадорите на земјите-членки на Европската Унија во Македонија

Од:

Министерот за надворешни работи Никола Димитров денеска имаше работна средба со амбасадорите на земјите – членки на Европската унија во Република Македонија.

Димитров ги информираше ЕУ амбасадорите за актуелните случувања и текот на отпочнатите реформи во Република Македонија.

Министерот Димитров ја реафирмираше нашата заложба за отпочнување на пристапните преговори со ЕУ и неопходноста од обезбедување кредибилност на процесот на интеграција во ЕУ. Исто така, информираше за конкретните реформски активности, пред се, во приоритетните сфери: правосудство, добро владеење, јавна администрација и следење на комуникациите.

“Треба да ја искористиме секоја шанса за напредок. Ние ќе направиме се да ве убедиме дека можеме да бидеме фактор на успех, за нас, за регионот и за Унијата” – истакна министерот Димитров.

Од страна на ЕУ амбасадорите, беше изразена поддршка и беа упатени охрабрувачки пораки за досегашниот ангажман на владата. Истовремено беше истакната важноста од континуирано одвивање на процесот на реформи како битна претпоставка за детерминирање на натамошниот тек и динамика на европскиот интегративен процес. Во тој контекст, амбасадорите ја нагласија неопходноста Република Македонија да се фокусира на имплементација на итните реформски приоритети.

Би можело да ве интересира

Започнуваат најважните мировни преговори меѓу Европа и САД

ЕУ ја зголемува финансиската поддршка за палестинската управа

Шмихал: ЕУ и предаде на Украина една милијарда евра замрзнат руски имот

ЕУ издвојува уште една милијарда евра за Украина во рамките на заемот од Г7

Урсула фон дер Лајен: ЕУ е подготвена да се брани од американските царини со контрамерки

Медиуми: Британија и некои земји од ЕУ работат на сопствен одбранбен фонд, одвоено од Брисел