Панче Ангелов, напаѓачот на актуелната министерка за одбрана, Радмила Шекеринска за време на немилите настани во Собранието на 27-ми април минатата година, денеска на јавна седница во Апелација преку неговиот адвокат ќе бара намалување на казната.
Во жалбата на адвокатот, обвинетиот се жали и на квалификацијата на обвинението по признаената вина.
Ангелов беше обвинет за кривично дело насилство и беше осуден на казна затвор од 4 години. Судијката при изрекувањето на неговата пресуда наведе дека во одредувањето на висината на казната преовладуваат отежителните околности.
За делото за кое одговара Ангелов според кривичниот законик предвидена е казна затвор од три до десет години, но со казната која ја доби напаѓачот на Шекеринска судот смета дека ќе се постигнат целите на казнувањето – Ангелов нема да го повтори делото, а ќе се превенира извршување на насилство и од други граѓани.
В. Маглешов