Синоќа од куќа на улица Зборска во Битола биле украдени две пушки и метална каса со пари со вкупна вредност од околу 700 илјади денари.
Сторителот со употреба на подесен алат влегол во куќата од каде што одзел една пушка „Бајкал“, една пушка „Бровинг, Максус“ и метална каса со колу 2.000 евра во разни апоени, околу 4.000 канадски долари, околу 700-1000 американски долари, околу 130 000 денари во разни апоени и поголема количина златен накит, по што побегнал во непознат правец.
Увид на местото извршила полициска екипа и се преземаат мерки за целосно расчистување на случајот и пронаоѓање на сторителот.