Денеска во Македонија ќе биде променливо облачно, а во северните делови и на планините ќе провејува снег. Ќе дува засилен северен ветер, кој ќе достигнува брзина и над 60 километри на час.
Температурите низ државава ќе се движат од -2 до 7 степени.
Во главниот град ќе биде променливо облачно со засилен северен ветер. Температурата ќе достигне максимални 3 степени.
Наредната недела следува период на стабилно и суво време со благ пораст на дневните температури. Зголемување на облачноста се очекува од среда кон крајот на денот, а во ноќта кон четврток и четврток ќе има локални врнежи од дожд, додека на планините ќе падне снег.
