Клиентелизмот е повеќе правило отколку исклучок, политизацијата на медиумите води кон заробени медиуми, медиумската сцена и натаму во голем дел останува контролирана од различни центри на моќ.
Ова е заклучок од третото мерење на индексот на клиентелизмот во медиумите, кое го спроведува Партнерство за општествен развој од Хрватска и уште седум организации од регионот, меѓу кои и Паблик од Македонија.
Земјава забележа мал регрес во индексот за 2017 година, кој сега изнесува -0,58. Србија бележи мал напредок со индекс од -0,5, додека индексот на Црна Гора стагнира (-0,55). Регрес е забележан и кај Хрватска (- 0,32), Романија (-0,67) и Босна и Херцеговина (-0,67).