„СДСМ бара новите избори да ги организира Влада на доверба, која ќе има консензуална поддршка од сите релевантни фактори, за секторите внатрешни работи, финансии и правда.Опозицијата треба да им верува на личностите кои би ги воделе овие избори и дека имаат капацитет, кредибилитет и желба да учествуваат во организирање фер и демократски избори “, ова е еден од изградените ставови на неколку часовната проширена седница на Централниот одбор на СДСМ.
Партијата бара во март истовремено да се организираат редовните локални и вонредни парламентарни избори.
СДСМ инсистира на целосно чистење на избирачкиот список, имплементирање на забелешките на ОБСЕ/ОДИХР, засилен меѓународен мониторинг, но и на рамноправна распределба на јавните фондови за реклами во медиумите. Ова беше барање на СДСМ и за претходните избори.
