По завршување на денешното рочиште за случајот „Тврдина 2“, Ленче Ристоска од СЈО изјави дека очекува судот да донесе осудителна пресуда.
-Имаме цврсти материјални и вербални докази. Сите докази се во прилог на теоријата на обвинението, така што уверени сме дека обвинитите ќе добијат осудителна пресуда, рече Ристоска.
Обвинителката информираше дека од страна на судот се прифатени дополнителните докази кои ги достави СЈО од кои, како што кажа таа, се гледа дека станува збор за незаконско следење на комуникациите.
Одбраната побара да бидат изведени дел од списите кои се веќе уништени и дека треба да бидат прибавени од други единици од УБК и БЈБ. Ова за обвинителите од СЈО е неважно поради тоа што списите биле незаконски уништени.