Можностите и предизвиците на медиумската и телекомуникациската индустрија, развојот и улогата на социјалните мрежи и платформи, обновливите извори на енергија и технологиите на иднината, се некои од темите на вториот ден од годишниот Самит на Македонија 2025.
Според организаторите, ќе стане збор и за тоа како Македонија би можела да стане центар за паметни индустрии во регионот и пошироко.
Предвидени се обраќања на Зоран Мартиновски, менаџер на МФК Светска банка за Македонија и Црна Гора, ко-претседавач на Самитот и член на Одборот на директори на Македонија2025, Влахо Костов, извршен директор за истражување и развој и раководител на Централна и Источна Европа и на медитеранскиот регион во „Panasonic“, Германија, Вања Јосифовски, технички директор на „Pinterest“, САД, како и на Ацо Момчиловиќ, директор за човечки ресурси во „Rimac Automobili“, Хрватска.