Од невладината организација „Цивил“ известуваат дека пред избирачкото место 0193 во село Радобор, Општина Могила, полицијата запрела возило и при проверката во багажниот простор пронашла прехранбени продукти и шишиња со масло за јадење.
„Активистите на еден кандидат за градоначалник на Општина Могила, по разговорот со полицијата, биле пуштени да си заминат со предупредување повеќе да не се движат низ општината и да не им делат прехранбени продукти на жителите“, јавува набљудувачот на „Цивил“.