Светската фудбалска федерација на денешната седница во Калкута донесе одлука за зголемување на наградниот фонд на Светското првенство во Русија за 42 милиони долари во однос на претходниот Мундијал.
На планетарниот собир идната година вкупниот паричен фонд е 400 милиони долари, а на претходното СП беше 358 милиони долари.
Шампионот ќе заработи 38 милиони долари, што е три милиони повеќе од Мундијалот во Бразил 2014 година. Второто место на турнирот во Русија ќе носи награда од 28 милиони, третото место ќе биде 24, а четвртиот ќе добие 22 милиони долари. Со учество во четвртфинале може да се заработи 16, а тие што ќе стигнат до осминафиналето ќе добијат 12 милиони долари.
За самото учество во групната фаза на СП 2018, ФИФА ќе додели осум милиони долари.