Најмногу дожд во изминатите 24 часа се наврнати во Дојран. УХМР регистрира 88 литри на метар квадратен. Во Штип се наврнати 31 литар, Струмица и Берово 30, Крушево 28, Крива Паланка 25, Прилеп, Тополчани и Виница 23, Скопје – Петровец 19, Ѓуриште и Охрид 15, Демир Капија и Куманово 14, Битола и Скопје 12, Лазарополе 11, Маврово 10, Дебар девет, Гевгелија осум, Пожаране шест, Тетово пет и Претор четири.
Во раните утрински часови во поголем дел од земјава со врнежи од дожд кои според последните податоци речиси насекаде престанаа, освен во северните делови каде се со слаб до умерен интензитет. На места дува слаб до умерен северозападен ветер.
Утрово најниска температура од 0 степени е измерена во Маврово, 1 во Крушево и Ѓуриште, 2 во Лазарополе, 3 во Крива Паланка, 4 во Пожаране, Куманово и Тополчани, 5 во Виница, Претор, Берово, Штип, Скопје и Прилеп, 6 во Дебар, Битола, Скопје Петровец, Тетово и Охрид, 7 во Демир Капија и Струмица, 8 во Дојран и 10 во Гевгелија.
Облачно, во раните утрински часови во поголем дел од земјава со врнежи од дожд кои според последните податоци речиси насекаде престанаа, освен во северните делови каде се со слаб до умерен интензитет. На места дува слаб до умерен северозападен ветер.
Времето денеска ќе биде претежно облачно и студено, со повремени врнежи од дожд, особено во северните делови. На планините врнежите ќе бидат од дожд и снег, а на повисоките ќе се формира снежна покривка, особено во северозападните делови. Ќе дува умерен до засилен северен ветер. Максималната температура ќе биде во интервал од 7 до 14 степени.
Во Скопје и околината времето ќе биде облачно, студено и ветровито со врнежи од дожд со умерен, а попладне со слаб интензитет. Дневната температура ќе достигне до 10 степени.
И утре ќе дува умерен до засилен северен ветер и во текот на денот ќе има постепено намалување на облачноста. Дневната температура до петок ќе биде во пораст.