Претседателот на ВМРО-ДПМНЕ Никола Груевски вечерва од митингот во скопски Аеродром побара поддршка од граѓаните за кандидатите за градоначалници на Град Скопје и на општина Аеродром Коце Трајановски и Ивица Коневски и за советничките листи од партијата и коалицијата „За подобра Македонија“.
– Уште само неколку дена не делат од изборите на 15 октомври. Ова не се само обични локални избори. Вашата одлука е многу важна. Ова е одлука за тоа каква иднина ќе има нашата држава и каква иднина ќе имаат вашите деца, за нашата заедничка држава, рече Груевски.
Во претходната декада, рече, наследивме 560 илјади вработени луѓе, а оставивме 733 илјади вработени, и вети во наредната деката 150 илјади нови работни места за граѓаните.
Коневски и Трајановски ветија, меѓу другото, вети изградба на затворен базен со олимписки димензии, нови пет градинки, ново средно училиште, нова спортска сала во основното училиште „Гоце Делчев“, нов зелен парк зад зградата на ФФМ и реконструкција на оштетените фасади на зградите во општината.
