Фудбалските репрезентации на Шведска и на Естонија постигнаа убедливи победи на денешните дуели од 9.коло од квалификациите за Светското првенство во Русија 2018. Шведска пред своите навивачи во натпревар од А групата го совлада Луксембург со 8:0, а јунак на дуелот беше Маркус Берг, кој постигна четири голови.
Естонија очекувано со 6:0 како гостин го победи Гибралтар во рамки на дуел од Х групата. Во оваа група се одигра и најефикасниот натпревар БиХ – Белгија 3:4. Селекцијата на Белгија е веќе првопласирана во групата со обезбеден пласман на СП во Русија.
Од четирите натпревари кои завршија без голови беше само дуелот од група Б меѓу Фарски острови и Летонија.
Вечерва во терминот од 20:45 часот се играат натпреварите: Белорусија – Холандија, Бугарија – Франција (А група), Андора – Португалија, Швајцарија – Унгарија (Б група) и Кипар – Грција (Х група).