Дел од Кавадарци од синоќа е без вода за пиење поради дефект кај зградите „лепотици“.
Марјан Прескакулев, раководител на работната единица за водовод и канализација при Јавното претпријатие „Комуналец”, денеска појасни дека станува збор за поголем дефект на водоводната линија на булеварот „Моша Пијаде”.
– Наши екипи интензивно работат на терен за отстранување на дефектот и очекуваме тоа да се случи некаде околу 14 часот, рече Прескакулев.