Промените не се комплетни ако нема промени во општините во Македонија, порача лидерот на СДСМ, Зоран Заев на вечерашниот митинг во скопската општина Аеродром.
Заев рече дека се обиделе на секој начин да ги спречат промените и ги повика граѓаните да продолжат со љубов за општината и да не го напуштаат, бидејќи се работи за Аеродром, Скопје и Македонија.
Заев и кандидатите градоначалниците на Скопје и на Аеродром Петре Шилегов и Златко Марин ветија гасификација на Аеродром и Скопје, поддршка во спортот, намалување на загадувањето, чист воздух, подобрување на сообраќајот преку изградба на нови сообраќајници, нов водовод и нов колекторски систем.
– За 3 и пол месеци покажавме дека знаеме да се коригираме. Создадовме пријатели насекаде околу нас и Македонија веќе не е скара со никого, порача Заев.
Според него, недозволиво општина Аеродром која е една од поголемите урбани јадра на главниот град да има проблеми со водата, канализацијата, со загаден воздух. Тој на аеродромци им вети дека од 1 јануари кога согласно новиот закон за спорт што ќе биде донесен ќе воведе ваучерии за помагање на спортските клубови, како на професионалните така и на кадетските и школските лиги.
– Секоја година Министерството за финансии во јануари ќе ги подели ваучерите на репрезентациите, клубовите и лигите кои ќе бидат на општинско ниво во вкупна вредност поголема од 20 милиони евра. Ваучерот ќе го добие секој клуб преку спортските работници, а фирмите во Македонија ќе имаат опција за 35 проценти од својата добивка да изберат да откупат ваучер, и тоа се повеќе од 40 милиони евра вкупно ослободени данок на добивка на фирмите во Македонија, истакна Заев.
Како следна мерка за подобрување на спортот Заев најави дека еден денар од цигарите и од алкохолот и лиценците од кладилниците ќе одат во фонд за спорт којшто ќе биде управуван директно од спортистите и спортските работници.
Тој пред аеродромци вети гасификација на градот Скопје и Аеродром, па дури по колективните згради воведувајќи го и директно колекторскиот систем којшто значи опционо загревање и производство на струја заедно. – Ова го применува целиот свет, замена на огревното дрво и штетните материјали за греење со евтини енергенси коишто истовремено се и еколошки енергенси, рече Заев.
Кандидатот за градоначалник на Општина Аеродром Златко Марин пред своите сограѓани потсети на повеќе недостатоци во општината кои, според него, во 21 век е срамота да се случуваат. Тој ги нагласи проблемите со вода за пиење, атмосверската канализација,…
– Ветуваме дека ке го запреме геадежниот хаос, ќе ги урбанизираме запуштените делови во општината, ќе ја обновиме водоводната мреже, а имаме план и за подобар живот, рече Марин.
Најави дека ќе се пробиваат булеварите АСНОМ и Февруарски поход, поврзување на општините Кисела Вода и Аеродром, и изградба на два моста. Тој во неговиот мандат рече дека ќе изгради две нови градинки, средно училиште и ќе даде финансиска поддршка за млади до 32 години.
Петре Шилегов, кој е кандидат за градоначалник на Град Скопје рече дека со овие избори Никола Груевски конечно ќе биде поразен.