Општина Кочани воведе времена измена на режимот и условите на сообраќајот на улицата „Тодосија Паунов“ во населбата Оризари крај Кочани кој ќе важи од денеска до 20 септември.
Изменетиот режим на сообраќај, како што истакнуваат од општината, се воведува поради изведување градежни активности – изградба на лента за исклучување кон новоизградената улица „Гоце Делчев“ во населбата Оризари и на Оризарски мост.
Паралелно со овие активности ќе се врши и гребење на асфалтниот коловоз и поставување нов асфалт на улицата „Тодосија Паунов“ во Оризари.
Се предупредуваат учесниците во сообраќајот да бидат внимателни и да ја почитуваат времено поставената сообраќајна сигнализација.
