Јапонското Министерство за одбрана денеска нареди распоредување на инсталации за противвоздушна одбрана Патриот ПАК-3 на територијата на префектурите Кори, Симане и Хирошима.
Наредбата уследи по заканите од Северна Кореја дека има подготвено план за лансирање на балистички ракети кон американскиот остров Гуам во Тихи Океан.
Распоредувањето на противвоздушните системи ќе почне во текот на ноќта.
Претходно, локалните медиуми јавија дека јапонските власти планираат во најбрзо време да испратат бродови на Силите за самоодбрана, кои поседуваат системи за следење и насочување во Тихи Океан.
Противвоздушниот систем Патриот може да послужи за заштита на јапонската територија во случај ако Северна Кореја ги реализира заканите за напад врз Гуам.