Центарот за интеркултурен дијалог од Куманово заедно со своите волонтери денеска организира настан „Бегалци и книги“ на градскиот плоштад во Куманово.
Посетителите од 17 до 20 часот ќе можат да проследат мала изложба на фотографии од децата од бегалскиот камп на Табановце, да донираат книги на арапски, англиски или некој друг јазик и да ги споделат своите размислувања за бегалската криза.
„Бегалци и книги“ е дел од активностите на проектот „Волонтирање за вклученост и толеранција“, дел од програмата „Еразмус+“ и е поддржан од Националната агенција за европски образовни програми и мобилности, а финансиран од Европската комисија.