Во попладневниот дел од денешниот работен состанок со шефовите на Дипломатско-конзуларните претставништва на Република Македонија, покрај министерот за надворешни работи Никола Попоски учествуваше и министерот за култура Елизабета Канческа Милевска.
Тема на дискусијата, соопшти денеска МНР, беа досега преземените заеднички активности за што поуспешна промоција на културата и културните вредности од нашата земја.
Беа разменети искуствата од организирањето на бројни културни манифестации кои се реализирале во различни земји и со голем успех ја претставиле македонската култура, а се зборуваше и за некои значајни проекти кои треба да се реализираат во наредниот период.