По повод 10 години од своето постоење, Демократската унија за интеграција, вечерва имаше свечен прием, во „Холидеј Ин“ во Скопје, за политичките партии и дипломатскиот кор во државата.
Меѓу гостите беа Премиерот Никола Груевски, Претседателот на Собранието, Трајко Велјаноски, министри од Владата на Република Македонија, претставници на повеќе политички партии.
Во говорот, претседателот на ДУИ, Али Ахмети истакна дека партијата низ овие 10 години ја карактеризира постојаноста во политичките ставови и заложбата за реализирање на истите, и покрај притисоците и критиките на дневната политика. Ахмети рече дека и тој и ДУИ се свесни дека сеуште не направиле се.
