Финалистот во Лига Европа, холандскиот Ајакс синоќа одигра нерешено 1:1 на гостувањето против Ница во еден од најинтересните дуели од 3. коло од квалификациите од Лигата на шампионите.
Францускиот тим Ница поведе со голот на Марио Балотели во 32. минута, а Ајакс изедначи во 49. минута преку Дани Ван де Бек.
Резултати: Астана – Легија 3:1, Динамо Киев – Јанг Бојс 3:1, Салцбург – Риека 1:1, Хапоел Бер Шева – Лудогорец 2:0, Виторул – Апоел 1:0, Марибор – Хафнарфјордур 1:0, Селтик – Розенборг 0:0, Ница – Ајакс 1:1 и Бриж – Башакшехир 3:3.
На дуелите одиграни во вторникот: Карабах – Тираспол 0:0, Славија Прага – БАТЕ Борисов 1:0, Вардар – Копенхаген 1:0, АЕК – ЦСКА Москва 0:2, СБ – Плзен 2:2 и Партизан – Олимпијакос 1:3.
Реванш дуелите се играат на 1 и 2 август.