Самсунг Електроникс извести дека неговиот оперативен профит во второто тромесечје ќе биде околу 70 отсто поголем од истиот лански период и ќе достигне рекордно ниво, благодарение на силниот раст на побарувачката за мемориски чипови.
Јужнокорејскиот технолошки гигант објави во петокот проценка дека во изминатиот квартал остварил оперативен приход од 14.000 милијарди корејски вони или околу 12 милијарди долари, што е негов најголем тромесечен профит во историјата и 72 отсто поголем од истиот лански период.