Кривичниот суд одлучи на поранешната министерка Елизабета Канческа Милевска да и биде одземен пасошот како мерка на претпазливост по обвинението за случајот “Тендери“. Пасошот ќе му се oдземе и на Владимир Пешевски, поранешниот вицепремиер обвинет за случајот „Траекторија“. Без патната исправа ќе остане и градоначалникот на Гази Баба, Тони Трајковски за случајот „ТНТ“. За тројцата Специјалното јавно обвинителство бараше да се одреди мерката притвор.
Судот донесе одлука да им се одземат патните исправи и на обвинетите за „Тарифа“ и имаат обврска секој работен понеделник да се јавуваат кај надлежно службено лице во судот. Заабрането е издавање нова патна исправа.
Патната исправа ќе му се одземе и на поранешен помошник министер во МВР, за случајот „Трезор“,кој е обвинет во случајот со набавката на опрема за следење на електронски комуникации.
Предлозите за „Титаник 2“ за определување мерки за претпазливост против седум лица судот ги одби како неосновани.