Во среда, во 6 часот и 24 минути почнува летото, а светските метеоролози предвидуваат “пекол“ во Јужна Европа.
Метеоролозите уште претходно предупредија на долги периоди на топло време и неколку опасни топлотни удари кои ќе создадат проблеми на подрачјето на јужна и источна Европа.
Долго топло лето се очекува ширум Европа, но и долги периоди на натпросечни високи температури на подрачјето на Италија и Балканот, пишува “Accuweather“.
Посебни бранови на топлина се очекуваат во втората половина на јуни и цел јули, а температурите над 32 степени ќебидат вообичаени во текот на целото лето.
Топлото и суво време од Балканот и од Италија ќе се поместува на истокот на Европа. Сепак интензитетот на топлината од Полска до Балтикот, преку Белорусија и Украина нема да биде јак.
Најголема опасност од појава на долги и опасни топлотни удари се очекуваат во Македонија, Унгарија и Романија.
Уште едно сушно лето ги очекува Шпанија и Португалија, а тоа ќе ја зголеми заканата од шумски пожари.
Временски неприлики ќе има и во Германија и Полска каде според прогнозите во текот на летото се очекува појава на силно невереме.