Во текот на ноќта од север се очекува да навлезе влажна постудена воздушна маса со посилен северен ветер во Македонија што ќе ги спушти дневните температури за време на викендот, а во следните денови температурата ќе биде во пораст.
Во претпладневните часови во северните делови, а потоа најмногу вдолж Повардарието, северниот ветер повремено ќе се засилува и ќе биде проследен со појава на повремен пороен краткотраен дожд и грмежи.
Утре преку ден времето ќе биде променливо облачно и ветровито со повремени врнежи од дожд и со ретки грмежи, кои ќе бидат пообилни во западните делови и на крајниот исток.
Во недела ќе продолжи да дува повремено засилен северен ветер и ќе има појава на повремен послаб дожд, кој ќе биде почест на север и на исток.
Температурата ќе достигне до 29, а во недела до 26 степени.