Претседателот на Собранието Талат Џафери денеска имаше средба со косовскиот амбасадор Илбер Хиса на која станало збор за актуелните политички ситуации во Македонија и во Косово и за потребата за соработка меѓу двете земји.
Амбасадорот Хиса, како што стои во соопштението, му ја честитал новата функција на претседателот на Собранието Џафери и уште еднаш потврдила дека Косово ќе продолжи и понатаму да и дава институционална поддршка на Република Македонија.
– Претседателот Џафери, му се заблагодари на амбасадорот Хиса, за неговата посета изразувајќи задоволство и подготвеност за натамошно продлабочување на заемната соработка. Двајцата соговорници истакнаа дека пријателските односи меѓу двете соседни земји имаат позитивно влијание и се значајни фактори за економскиот развој и стабилноста во регионот, се наведува во соопштението.