Од денеска во попладневните часови до четврток предпладне се очекува нашето подрачје да биде под влијание на влажни и нестабилни воздушни бранови, соопшти Управата за хидрометеоролошки работи.
Ќе преовладува променливо облачно време со сончеви периоди но и со повремени локални врнежи од дожд. Наместа ќе има и нестабилна облачност со повремен пороен дожд и грмежи, особено пообилни ќе бидат врнежите во вторник и в среда.
Во јужните делови од земјава се очекува да наврнат над 30 л/м2 воден талог. Температурата на воздухот ќе опадне за 5 до 6 степени. Од четврток во попладневните часови се очекува повторно стабилизирање и извесно затоплување на времето.
Температурата утре ќе се движи од 13 до 26 степени. Во среда утринската температура ќе биде од 7 до 13 степени, а дневната од 17 до 23 степени. Утринската температура во четврток ќе се движи од 5 до 11 степени, а дневната од 20 до 26 степени.