Капитенот на Вардар Стојанче Стоилов е убеден дека „црвено-црните“ оваа сезона ќе се пласираат на завршниот „Фајнал фор“ турнир во Лигата на шампионите.
– Тимот е позрел од претходните години. Тоа го докажавме со освојување на СЕХА лигата, а бевме први и во групната фаза од Лигата на шампионите. Не очекува тежок двомеч со Флензбург, но верувам дека имаме квалитет и сили да ги поминеме и да се пласираме на Ф4. Одиме на добар резултат во Германија, а потоа во полна сала да го играме реваншот и да ги израдуваме нашите навивачи, изјави Стоилов на денешната прес-конференција.
Ракометарите на Вардар в сабота гостуваат кај Флензбург во првиот дуел од четвртфиналната пресметка во ЛШ.