Промена на времето со поројни врнежи од дожд и грмежи, најавува УХМР за недела попладне и во вечерните часови кога, како што соопшти, преку Македонија ќе помине влажен бран од север. На места се очекува да наврнат и над 25 литри на метар квадратен.
Утре во попладневните и вечерните часови ќе има зголемена облачност и на повеќе места ќе има краткотраен пороен дожд и услови за појава на ретки грмежи, а од недела вечер ќе почне да дува засилен северен ветер, кој ќе продолжи и во понеделник, предизвикувајќи во наредните денови значително опаѓање на температурата.
Во понеделник попладне ќе настапи разведрување, кое ќе се задржи и во вторник, а нов влажен бран се очекува во среда.