Европската унија ги продолжи денеска санкциите против Иран до 13 април 2018 година поради сериозно кршење на човекови права.
Во соопштението од ЕУ се наведува дека санкциите подразбираат продолжување на забрана за патување и замрзнување на имот на 82 лица, како и забрана за извоз во ЕУ.
Санкциите се однесуваат и на оние кои се вмешани во измачување, нехуман третман, каменување или бесење.
Во 2011 година ЕУ воведе ограничувања за Иран поради репресии врз мирни демонстранти, новинари, бранители на човекови права и други.