Конзорциумот на издавачи, книжари и печатари на годинашниот Меѓународен саем на книгата во Скопје одлучи да додели три награди.
За презентација на странски автори и дела на македонски јазик наградата ја доби Антологијата на германски драми во издание на Издавачката куќа „Македонија презент“ од Скопје.
За најдобро илустрирано издание се наградува изданието „Сто илустрирани басни од Езоп“ во издание на „Едука мак“ од Скопје.
Наградата за најпосетен штанд на Саемот на книгата му припадна на издавачот „Сакам книги“ од Скопје.
Наградите на добитниците ќе им бидат врачени на последниот ден од одржувањето на саемот, односно на 10 април во 12 часот.