Шест дена претседавате неовластено со конститутивната седница. Во Македонија создаваме многу лоша пракса откако сите парламентарни партии ги признавме изборите, a нема мирно примопредавање на власта, рече Петре Шилегов, обраќајќи се на Трајко Вељаноски.
Тој кажа дека иако има мнозинство, Македонија поради 50-тина криминалци се уште не може да оди напред.
– Ја убиваме демократијата, никој нема против-дебата, меѓутоа е недозволиво да има реплики и контра реплики од пратеници од иста партија. Ако ви е цел уништување на демократијата, кажете веднаш, рече Шилегов.
Тој кажа дека штетата која Шарената револуцуја ја направила е помала од шест милиони евра и обраќајќи се кон Груевски, му кажа дека неговиот братучед за таа сума купил бензински пумпи.
Според Шилегов, програмата која што ја презентираше Заев е единствениот документ според кој ќе се води новата Влада и тогаш пратениците од ВМРО-ДПМНЕ и коалицијата ќе имаат можност за реформите, односно да гласаат „за“ или „против“ за законите кои ќе ги предложи владата предводена од СДСМ.