Фудбалерите на Генгамп остварија минимална победа од 1:0 синоќа на првиот натпревар од 31.коло од француската Лига 1. Стрелец на единствениот гол беше Слоан Приват во 59.минута. Генгамп ја искористи предноста од играч повеќе бидејќи Моду Диање беше исклучен во 27.минута.
Генгамп со 41 бод се наоѓа на 8.место на табелата, додека Нанси е на 18.место со 28 бодови и со серија од четири порази по ред.
Од оваа рунда вечерва се играат натпреварите: Олимпик Марсеј – Дижон и Бастија – Лил. Во недела на програмата се дуелите: Рен – Олимпик Лион, Лориен – Каен, Монпеље – Тулуз, Нант – Анже и Ница – Бордо.
Дуелот меѓу Монако и Сент Етиен е одложен, а Мец и ПСЖ ќе играат на 18.април.
Табела: Монако 71 бод, ПСЖ 68, Ница 64, Олимпик Лион 50, Олимпик Марсеј 46, Бордо 46, Сент Етиен 44