Кинеското Министерство за животна средина им нареди на 20 градови да ги усогласат напорите во борба против смогот.
Градовите се наоѓаат во зоната на три „воздушни коридори“ – западен, централен и источен, по кои поради геолошки и метеоролошки услови загадените воздушни маси се движат кон север, пишува весникот „Чајна дејли“.
Ограничувањето на емисијата на штетни гасови во градовите како Анјан и Таншан ќе го намалат тешкиот смог во соседните региони и ќе му помогнат на Пекинг да ја постигне амбициозната цел за оваа година – да ја намали концентрацијата на фините честички ПМ-2,5, кои продираат во белите дробови до 60 микрограма на кубен метар од 73 во 2016 година.
Според Светската здравствена организација (СЗО) безбедната дневна норма на честички ПМ-2,5 во воздухот не смее да биде поголема од 25 микрограма на кубен метар.
Трета година по ред Кина води војна со загадувањето, а главни причини за тоа се автомобилитге и електроцентралите на јаглен.