Македонската фудбалска репрезентација бележи пад од три позиции на најновата ФИФА рејтинг листа објавена денеска. „Црвено-жолтите“ на февруарското рангирање се најдоа на 165. место.
Од противниците на Македонија во квалификациите за СП 2018, најдобро рангирана е Шпанија (10.место), Италија е 15-та, Албанија 55-та, Израел е на 60.место, додека Лихтенштајн се најде на 187.позиција.
Лидер е Аргентина пред Бразил и Германија. По нив во ТОП 10 следуваат: Чиле, Белгија, Франција, Колумбија, Португалија, Уругвај и Шпанија.
Следното рангирање Светската фудбалска асоцијација (ФИФА) ќе го изврши на 9 март.