Олимпик Марсеј славеше победа над Олимпик Лион со 2:1 по продолженија во натпревар од 1/16финалето на фудбалскиот Куп на Франција одигран синоќа на „Велодром“ во Марсеј.
Домаќините поведоа со голот на Род Фани во 24.минута, во Коронтин Толисо 56.минута израмни на 1:1. Тоа беше и актуелен резултат по основните 90 минути, по што се играа продолженија. Во четвртата минута од второто продолжение (109), Бразилецот, Матеус Дорија го постигна вториот гол за домаќините за победа на Марсеј од 2:1 и пласман во осминафиналето.
На останатите натпревари:
Бордо – Дижон 2:1,
Квевили Руен – Марсеј Консолат 3:0,
Лил – Нант 1:0,
Ле Пуаре Сјур Ви – Стразбур 0:1,
Шатору – Лориен 2:3 (по продолжние),
Бержер – Ленс 2:0 и
Саргомин – Ниор 0:3.
Денеска се играат преостанатите осум натпревари од оваа рунда, а двојките се:
Анже – Каен,
Оксер – Сент Етиен,
Бастија – Нанси,
Ле Хербие – Гингамп,
Шамбли – Монако,
Фрежу – При ле Мезие,
Авранш – Флори-Меруж и
Рен – ПСЖ.
Бранител на трофејот е екипата на ПСЖ.