Спасувачите денес извлекле околу 300 мигранти од два гумени чамци во водини блиску до Либија и трагаат по уште 100 за кои се верува дека се наоѓаат во друг чамец исчезнат уште од неделата.
Спасувачите од шпанската невладина организација „Проаква Опен Армс“ го пронашле чамецот на 40 километри северно од Сабратa, на либиската обала.
Лаура Лануза, потпаролка на шпанската невладина организација рекла дека пронашле 299 мигранти од Африка и дека тие се во добра здравствена состојба и ќе бидат пренесени до пристаниште во Сицилија.
Од агенцијата за бегалци на Обединети Нации соопштија дека во јануари досега се регистрирани 237 мртви или исчезнати лица во регионот на Средоземното море.