Италијанскиот фудбалски прволигаш Палермо за кој настапуваат македонските репрезентативци Илија Несторовски и Александар Трајковски е во потрага по четвртиот тренер оваа сезона, бидејќи Еугенио Корини поднесе оставка од функцијата.
Корини потврди дека заминува на сопствена иницијатива, а со тоа избегна контроверзниот претседател Маурицио Зампарини да му додели отказ, објавија италијанските медиуми.
– Донесов одлука за која сметам дека е праведна и фер. Јас отсекогаш сум го почитувал Палермо и нејзините навивачи. Со мислите останувам со клубот, изјави Корини кој се задржа на клупата на Палермо помалку од два месеци.
Палермо по 21.рунда се наоѓа на 19 место на табелата во италијанскиот шампионат со 10 поени.