Специјалното јавно обвинителство денеска го почнува првото судење за случајот „Тврдина“, во кој првообвинет е екс началникот на петтата управа при УБК, Горан Грујовски.
На подготвителната расправа за судењето, судијката Лидија Петровска го задолжи СЈО да побара дозвола од органот што ги создал тие податоци да бидат користени во судска постапка, односно да бидат декласифицирани со степен за употреба во судска постапка.
Во случајот „Тврдина“ освен поранешниот началник на Петтата управа, Горан Грујовски, обвинети се уште шест лица кои се товарат дека ја уништиле документацијата поврзана со системите од незаконското прислушување.