Eмисијата „Политико“ која ја води Саше Ивановски, од петок, ќе биде емитувана на националното радио Канал 77, а прв гостин ќе му биде поранешниот премиер Љубчо Георгиевски.
Првата емисија на „Политико“ ќе биде емитувана на радиофреквенцијата после вестите во 17 часот.
Водителот Ивановски на својот профил на Фејсбук најави дека Георгиевски „ќе има можност да одговори на нападите упатени кон него од провладини паразити“.
Емисијата „Политико“ до скоро време беше емитувана на „Наша ТВ“, која ја симна од програмата.
