Времето претпладне во Македонија ќе биде облачно. Појава на слаб снег ќе има главно на запад и северозапад. Ќе дува слаб претежно јужен ветер.
Утринската температура ќе се движи од минус пет до нула, а дневната од три до девет степени.
Во Скопје, времето ќе биде променливо облачно со слаб претежно источен ветер.
Утринската температура ќе се спушти до минус два, а дневната ќе се искачи до четири степени.
Значителна промена на времето ќе има од утре кога ќе има врнежи од снег прво во северните и западните, па потоа и во останатите делови од земјата. Насекаде ќе се формира снежна покривка која на планините ќе изнесува и до 50 сантиметри. До сабота ќе дува засилен повремено силен северен ветер поради што наместа ќе има и снежни наноси. Од петок температурите значително ќе опаднат. За време на викендот облачноста ќе се намали, но ќе биде многу студено.