Сончево со мала до умерена облачност и со слаб до умерен северен ветер.
Утринските температури ќе се движат од -6 до 1 Целзиусов степен, додека дневните ќе бидат во интервал од 5 до 12 степени.
Во Скопје и околината слично време со утринска температура околу -6 и највисока дневна до 9 степени.
Викендов и почетокот на работната седмица под влијание на поле на висок воздушен притисок и стабилна воздушна маса времето ќе биде стабилно и суво. Температурата ќе биде во благ пораст, а зголемување на облачноста ќе има од недела. Ќе дува слаб до умерен северен ветер, кој повеќе ќе биде изразен на повисоките места и планините. Од вторник попладне се очекува промена на времето со засилен северен ветер, опаѓање на температурата и услови за слаби врнежи од снег и дожд.