Тренерот на Интер, Стефано Пиоли денеска изјави дека верува во квалитетот на неговиот тим за кој смета дека е способен да избори пласман во Лигата на шампионите, што би значело прво учество во елитата за „неро-азурите“ по пауза од шест години.
Интер по 17.коло од италијанската Серија А заостанува седум бодови зад третопласираниот Наполи.
– Верувам во пласман во Лигата на шампионите. Поради таа цел и дојдов во Интер. Имаме квалитет, но и простор за голем напредок. Хандановиќ Икарди и Миранда се лидери на тимот, а од раководството на клубот добив ветување за големи засилувања од лето, изјави тренерот на Интер.
Играчите на Интер оваа сезона бележат променливи резултати, но во последните четири меча ја подобрија формата и запишаа три победи.
Во следното коло, Интер утре го пречекува Лацио.