По појавувањето на бројните предизборни анкети за волјата на граѓаните, А1он направи анкета за тоа колку граѓаните им веруваат на резултатите кои ги изнесуваат нашите институти.
Граѓаните кои ги праша А1он велат дека не веруваат во анкетите кои ги прават институтите во Македонија. Велат, има голем број неопределни граѓани кои ќе одлучат на изборите.
– Не дека мислам дека се наместени и нарачани, туку ценам дека има многу околности кои не можат да се процентат, а има и такви кои се тенденциозни, вели еден од анкетираните граѓани.
Според нив, не е нормално анкетите толку да се разликуваат. Велат, не може да излезе точниот број на анкетирани со онаа бројка која институтите ја вадат на крај.
– Не им верувам, повеќе во ништо не може да се верува, вели граѓанин.
Граѓаните сметаат дека резултатите излегуваат во зависност од тоа која партија ќе ја нарача анкетата. Имаше и онакви кои не веруваат на ниту една анкета, туку само во партија.