Демократската унија за интеграција (ДУИ) денеска во Скопје одржа конференција за определбата од изборната програма „Развој и економска рамноправност“ .
– Консензусот при одлучувањето во Владата, пред се спроведувањето на економските политики, ќе обезбеди заштита на економските интереси и исполнување на економските права на Албанците, изјави носителот на листата на Изборната единица 2 Ејуп Алими.
Тој додаде дека по пат на контрола врз изготвувањето и спроведувањето на буџетот, ДУИ ќе обезбеделе рамномерен развој и спроведување на економските интереси на Албанците.
– Ова ќе значи поголем развој на северозападниот регион, повеќе вработувања за Албанците, повисоки плати, повеќе работа за албанските бизниси, подобри услови за развој на претприемништвото и воопшто, повисок животен стандард, речеАлими.
